HeyJared阿愷之聲Podcast
歡迎收聽台語通勤第一品牌，用鹿港腔講萬事萬物的阿愷之聲Podcast！本節目入圍2025年第60屆廣播金鐘獎Podcast類藝術文化獎🏆 本節目有六个單元，歡迎收聽指教，恁若聽了心情變好，免客氣，歡迎贊助阿愷之聲：https://voiceofakai.oen.tw/ ► 空中泡茶間｜邀請士農工商各界好朋友，來講生活、講理想、講人生，用臺語講萬事萬物，萬事萬物攏是咱人生！ ► 文學烏亂濺｜本台的經典單元，主要討論各種文學作品，有時陣閣會邀請作者本人來講寫作。 ►…
- Indexed episodes, last 90 days
- 15
- Latest publication
- Sep 17, 2026
- Audience
- Checking…
- Earliest in this view
- Jul 8, 2026
Latest episodes
EP225 台長時間：廣播金鐘獎入圍感想 (opens the original)
Read excerpt
🏆 阿愷之聲Podcast入圍2026年廣播金鐘獎Podcast類藝術文化獎，這集欲來分享入圍感言，閣有聽完林生祥30週年演唱會的一寡感觸。 再次感謝一路以來支持、鼓勵過阿愷之聲朋友，臺語節目這條路上，因為有恁，我才有氣力繼續放送落去。 ► 廣告贊助｜春山出版新冊《重構臺灣流行歌曲史》by 陳培豐 https://www.books.com.tw/products/0011062381 阿愷之聲工商服務時間，現子時春山出版推出好冊《重構臺灣流行歌曲史：常民／移民的競合交響與「臺灣味」的誕生》。這本冊是中央研究院臺灣史研究所陳培豐老師寫作，陳老師長期研究臺語歌的歷史，我實在真好奇，到底臺語歌的「氣口」是啥？這擺的故事準備對戰後1960年尾期講起，佇彼个外國流行歌和國語歌強勢的時代，臺語歌漸漸予人感覺粗俗，但是，一般大眾猶閣咧接觸的布袋戲、歌仔戲、電子琴、那卡西甚至是Rock n Roll，按怎予臺語歌新的養分？甚至創造出氣口十足的臺灣味，將臺語歌結合草地氣和西洋摩登，創作出厝邊頭尾攏咧聽的歌謠？若講歌曲代表一个時代、一群人的生活，按呢60年代逐工聽臺語歌的人，亻因當咧經驗啥物款的世界？緊
SP4 走揣地理路：轉來彰化的地理學家 ft.臺大地理系洪伯邑教授 (opens the original)
Read excerpt
家鄉對地理學家的啟發是啥？ 進前，大部分時間攏佇國外真揜貼（iap-thiap，偏僻）的所在做田野調查的洪伯邑老師，有一回轉去彰化，和厝內的人分享工作上的代誌，伊的阿爸雄雄問一句：「你長期研究國外，敢講你真正瞭解咱家己的彰化？」這句話深深影響洪老師，後來決定透過科技部（國科會前身）計畫轉來研究彰化。故事就對「蚵仔」開始講！ 這集節目，伯邑老師欲來分享伊按怎對越南的茶山轉來彰化的海岸，按怎對「討小海」的厝邊隔壁慢慢仔瞭解芳苑、二林飼蚵仔的故事？故事甚至講到白海豬（白海豚）和海上風遨（gô，離岸風機）的議題，到底咱彰化人和海的關係是啥？ 人文地理正港包山包海，這集咱就對洪伯邑老師研究室的海洋邊界研究開始講。聽講，後一集欲去閣較遠的模里西斯（Republic of Mauritius），地理學家準備欲出帆！ ► 節目音樂｜李箴、鹿港新聲閣 ► 特別感謝｜教育部人文與社會科學標竿計畫 Geopolitical Ecology Research Platform 生態與地緣政治研究平台 、中研院生物多樣性研究中心端木茂甯老師研究室提供阿里山茶園的生態錄音 ► 贊助節目｜https://voice
EP224 空中泡茶間：再見1987 ft.林雨宣&導演吳宗叡 (opens the original)
Read excerpt
面對政治暴力創傷，咱敢有可能和過去的家己和解？ 歡迎收聽阿愷之聲Podcast空中泡茶間單元，這回欲來介紹一齣公視台語台的新戲《再見1987》，節目來賓是演員林雨宣和導演吳宗叡。聽講生長佇臺北市大安區的雨宣，以前一句臺語攏袂曉？導演宗叡是因為愛聽K-POP才對韓國歷史有興趣？ 這齣《再見1987》改編自日本時代彰化女高學生丁韻仙的故事（戲中予作邱雪），伊後來和參與政治抗爭的翁婿來離別，一分開就是四十年。戲中，扮演邱雪查某囡「邱靜之」的就是林雨宣，伊按怎理解彼位充滿心事的阿母？閣會按怎陪伴阿母面對往過的創傷？ 這集節目，阮準備對來賓的故事講起。雨宣是按怎對臺灣史有興趣？甚至會想欲用演員的公共身份來關心社會議題？導演宗叡按怎看待當代臺灣史的影戲劇改編？這齣《再見1987》希望啥物款的人來看？總講一句，緊來收聽！ ► 工商服務｜國家電影及視聽文化中心 臺語片70週年放映會「零時ê望：流動．世界．台語片」 ► 買票連結｜ https://pse.is/9hx5mq ► 節目音樂｜鹿港新聲閣、再見1987主題曲〈春天的歌〉 ► 贊助節目｜https://voiceofakai.oen.tw Po
SP10 臺灣文學LivePodcast：林俊頴《七月爍爁》ft.溪州阿倫 (opens the original)
Read excerpt
最後一場的阿愷之聲彰化冊店讀書會Live Podcast來到北斗有冊店，主題「文學的彰化書寫」，第二本欲討論作家林俊頴2025年發表的《七月爍爁》。這本小說出版了後隨得著臺灣文學金典獎和文化部金鼎獎，但對阮這款彰化讀者來講，這本小說竟然親像咧寫外國？ 出世佇彰化北斗鎮的林俊頴，後來到台中、台北甚至美國來讀冊，都城培養了伊的文學表達。後來林俊頴寫轉來家鄉，透過小說慢慢仔建立彼个「斗鎮」的世界觀，毋過這本《七月爍爁》雖然一直得獎，小說本身的爭議何在？阮會按怎看這本小說佇彰化文學當中的位置？ 彼一日，我和阿倫來到小說場景來講冊，聽講，冊店附近的彼間診所就是作家的親戚咧經營。好你加在，這日的斗鎮無爍爁（閃電），趕緊來收聽這集節目！ ► 緊來讀冊｜林俊頴《七月爍爁》 https://www.books.com.tw/products/0011010681 ► 贊助單位｜國藝會 ► 特別感謝｜陳君宥的封面照片，有冊店的場所 ► 節目音樂｜鹿港新聲閣 ► 贊助節目｜https://voiceofakai.oen.tw ► 節目念冊｜林俊頴〈因父及子及聖神之名〉 陳文璣七舅公笑問馬道遠神父，「神父方外
SP9 臺灣文學LivePodcast：吳音寧《江湖在哪裡？》ft.溪州阿倫 (opens the original)
Read excerpt
阿愷之聲彰化冊店讀書會Live Podcast來到北斗的有冊店，主題是「文學的彰化書寫」，頭一本欲討論作家吳音寧2007年發表的《江湖在哪裡？臺灣農業觀察》，作伙講冊的是溪州阿倫aka農民，今仔日完全是彰南主場。 這本《江湖在哪裡？》是歷史上頭一本寫作彰化農村的報告文學，吳音寧受著2004年底轟動全國的新聞「白米炸彈客」影響，後來和楊儒門通信，也開始去瞭解家己成長的農村，才有這本臺灣的農業觀察和歷史回顧。哎，為啥今仔日咱臺灣的農村地區會變成這款模樣？這本冊有了幼路的分析，對戰後國民黨的農業政策、土地改革和地方政治運作，到2000年政府通過〈農業發展條例〉，甚至2002年加入WTO，臺灣農村/農業的命運，按怎在自由貿易下愈來愈「無自由」？ 身為彰化人，這本冊我和阿倫少年的時陣攏有讀過，但懵懵懂懂。這遍重讀，我已經轉來彰化做臺語Podcast，阿倫也變成一位農民，阮會按怎理解這本20年前完成的農業觀察？有時陣真正佩服作家，是因為伊早就看著未來。 今年是選舉年，非常推薦讀這本冊的〈黑道的故鄉〉篇章，有太濟咱慣習的代誌，但是毋捌認真去思考過為啥物？總講一句，緊來收聽節目！ ► 緊來讀冊｜吳音寧
Publishing over time
Last 90 days. Choose a month to open its work.
Recurring subjects
Named in the text we hold. One piece can cover several.
Audience
No verified audience measurement yet.
About this data
Counts cover the work we have indexed. Tone needs enough text and a confident classification. Excerpts and episode notes are not full articles or transcripts.
Identity or attribution wrong? Suggest a correction.